1 Chronicles 25

¹Dawid en die amptenare in beheer het die seuns van Asaf, Heman en Jedutun vir 'n besondere diens afgesonder. Hulle was mense wat onder begeleiding van liere, harpe en simbale as profete opgetree het. Hier volg besonderhede oor die manne wat 'n funksie gehad het in hierdie diens.

²Die seuns van Asaf, naamlik Sakkur, Josef, Netanja en Asarela, was onder leiding van Asaf wat as profeet in diens van die koning opgetree het.

³Die seuns van Jedutun, naamlik Gedalja, Seri, Jesaja, Simi, Gasabja en Mattitja, was al ses onder leiding van Jedutun, hulle pa, wat met begeleiding van die lier as profeet opgetree het in die dank en die lof aan die Here.

⁴Die seuns van Heman was Bukkija, Mattanja, Ussiël, Subael, Jerimot, Gananja, Ganani, Eliata, Giddalti, Romamti-Eser, Josbekasa, Malloti, Hotir en Magasiot.

⁵Hulle almal was seuns van Heman, die siener van die koning in godsdienstige sake, en hulle het hom groot aansien verleen. God het aan Heman veertien seuns en drie dogters gegee.

⁶Hulle het almal onder leiding van hulle pa die sang in die huis van die Here begelei op simbale, harpe en liere in die tempeldiens. Asaf, Jedutun en Heman was in diens van die koning.

⁷Saam met hulle ampsgenote wat in sang ter ere van die Here onderrig was, was die getal opgeleides twee honderd ag en tagtig.

⁸Hulle is vir diens geloot volgens die reël dat oud en jonk gelyk is, of hy nou al opgelei of leerling was.

⁹Die eerste lot het op Josef, uit die nageslag van Asaf, geval; die tweede op Gedalja,

¹⁰die derde op Sakkur,

¹¹die vierde op Seri,

¹²die vyfde op Netanja,

¹³die sesde op Bukkija,

¹⁴die sewende op Asarela,

¹⁵die agste op Jesaja,

¹⁶die negende op Mattanja,

¹⁷die tiende op Simi,

¹⁸die elfde op Asarel,

¹⁹die twaalfde op Gasabja,

²⁰die dertiende op Subael,

²¹die veertiende op Mattitja,

²²die vyftiende op Jeremot,

²³die sestiende op Gananja,

²⁴die sewentiende op Josbekasa,

²⁵die agtiende op Ganani,

²⁶die negentiende op Malloti,

²⁷die twintigste op Eliata,

²⁸die een en twintigste op Hotir,

²⁹die twee en twintigste op Giddalti,

³⁰die drie en twintigste op Magasiot,

³¹die vier en twintigste op Romamti-Eser. Elke groep, die leier, sy seuns en ampsgenote, was twaalf.