1 Chronicles 27

¹Hier volg 'n opgawe van die Israelitiese familiehoofde, die aanvoerders van duisend en honderd, en die toesighoudende amptenare wat in diens van die koning gestaan het met betrekking tot alles rakende die afdelings wat deur die jaar elke maand omgeruil het. Elke afdeling het uit vier en twintig duisend man bestaan.

²Jasobam seun van Sabdiël was in bevel van die eerste afdeling, dié vir die eerste maand.

³Hy was uit die Peresgroep en was gedurende die eerste maand hoof van al die leëraanvoerders.

⁴Dodai uit Agoag was in bevel van die afdeling vir die tweede maand. Sy afdeling se hoofaanvoerder was Miklot.

⁵Benaja seun van die hoëpriester Jojada was die derde leëraanvoerder, vir die derde maand.

⁶Hierdie Benaja was 'n sterk leier onder die dertig dapper manne van Dawid en in bevel van die dertig. Sy seun Ammisabad was na hom in bevel van die afdeling.

⁷Die vierde, vir die vierde maand, was Asael broer van Joab en ná hom sy seun Sebadja.

⁸Die vyfde, vir die vyfde maand, was die aanvoerder Samhut, uit Jisrag.

⁹Die sesde, vir die sesde maand, was Ira seun van Ikkes, uit Tekoa.

¹⁰Die sewende, vir die sewende maand, was Geles, uit Pelon in Efraim.

¹¹Die agste, vir die agste maand, was Sibbekai, van Gusa uit die Seraggroep.

¹²Die negende, vir die negende maand, was Abiëser, uit Anatot in Benjamin.

¹³Die tiende, vir die tiende maand, was Marai, van Netofa uit die Seraggroep.

¹⁴Die elfde, vir die elfde maand, was Benaja, uit Piraton in Efraim.

¹⁵Die twaalfde, vir die twaalfde maand, was Geled, van Netofa uit die Otniëlgroep. Elkeen van hierdie afdelings was vier en twintig duisend sterk.

¹⁶Die beheer oor die Israelitiese stamme was soos volg: Die hoofamptenaar Eliëser seun van Sikri was oor die Rubeniete; Sefatja seun van Maäka oor die Simeoniete;

¹⁷Gasabja seun van Kemuel oor Levi; Sadok oor die Aäroniete;

¹⁸Elihu, uit die broers van Dawid, oor Juda; Omri seun van Migael oor Issaskar;

¹⁹Jismaja seun van Obadja oor Sebulon; Jerimot seun van Asriël oor Naftali;

²⁰Hosea seun van Asasja oor die Efraimiete; Joël seun van Pedaja oor die halwe Manassestam;

²¹Jiddo seun van Sagaria oor die halwe Manassestam in Gilead; Jaäsiël seun van Abner oor Benjamin;

²²Asarel seun van Jerogam oor Dan. Dit was die manne in beheer van die Israelitiese stamme.

²³Dawid het nie 'n opgawe van die Israeliete van twintig jaar en jonger laat maak nie, want die Here het beloof om Israel so baie soos die sterre van die hemel te maak.

²⁴Joab seun van Seruja het begin om 'n opname te maak, maar dit nie afgehandel nie, want daardeur het die toorn van die Here teen Israel losgebreek. Daarom is die getal nie opgeneem in koning Dawid se annale nie.

²⁵Asmawet seun van Adiël was in beheer van die skatte van die koning. Jonatan seun van Ussia was in beheer van die skatte op die platteland, in die stede, dorpe en vestings.

²⁶Esri seun van Kelub was in beheer van die arbeiders op die land wat die grond bewerk het.

²⁷Simi uit Rama was in beheer van die wingerde, en Sabdi uit Sefam in beheer van die wynvoorrade in die wingerde.

²⁸Baäl-Ganan uit Geder was in beheer van die olywe en wildevye in die Laeveld, en Joas in beheer van die olievoorrade.

²⁹Sitrai uit Saron was in beheer van die vee wat in Saron gewei het, en Safat seun van Adlai in beheer van die vee in die laagtes.

³⁰Die Ismaeliet Obil was in beheer van die kamele, en Jegdeja uit Meronot in beheer van die donkies.

³¹Die Hagareër Jasis was in beheer van die kleinvee. Dit was al die opsigters oor die besittings van koning Dawid.

³²Dawid se oom Jonatan die raadgewer, 'n verstandige en geleerde man, en Jegiël seun van Gakmoni het die opvoeding van die prinse waargeneem.

³³Agitofel was die raadgewer van die koning, en die Arkiet Gusai was die vriend van die koning.

³⁴Agitofel is later opgevolg deur Jojada seun van Benaja en deur Abjatar. Joab was die koning se leërhoof.