Genesis 36

¹Lešika la Esau. Ke yena Edomo.

²Esau o be a tšere basadi ba gagwe go barwedi ba Kanana; ke Ada morwedi wa Elone Mohethe, le Oholibama morwedi wa Ana ngwana wa Tsibeone Mohefe,

³le Basimatha morwedi wa Isimaele, kgaetšedi ya Nebayothe.

⁴Ada o mmelegetše Elifase; Basimatha a belega Reguele.

⁵Oholibama o belege Jeusi, le Jaelama, le Kora. Ke bona barwa ba Esau, ba a ba belegetšwego a sa le nageng ya Kanana.

⁶Gomme Esau o khudugile le basadi ba gagwe, le barwa ba gagwe, le barwedi ba gagwe, le batho ka moka ba motse wa gagwe, le diruiwa tša gagwe ka moka, le thoto ya gagwe ka moka ye a e ruilego nageng ya Kanana; a arogana le Jakobo monnagwe, a ya nageng e šele.

⁷Ka gobane maruo a bona e be e le a mantši, a ba šitiša go dula felo gotee; mme naga ya mafallelo a bona ga ya ka ya ba lekana ka baka la bontši bja mehlape ya bona.

⁸Esau o ile a aga dithabeng tša Seire. Esau ke yena Edomo.

⁹Šele ge lešika la Esau tatago Baedomo ba dithabeng tša Seire.

¹⁰Maina a barwa ba Esau šea: Ke Elifase morwa wa Ada mogatša Esau, le Reguele morwa wa Basimatha mogatša Esau.

¹¹Barwa ba Elifase ke Themane, le Omara, le Tsefo, le Gaethama, le Kenase.

¹²Thimina e be e le mosadi wa serethe wa Elifase morwa wa Esau; ke yena mmago Amaleke. Ke bona bana ba Ada mogatša Esau.

¹³Barwa ba Reguele ke Nahathe, le Sera, le Sama, le Misa. Ke bona bana ba Basimatha mogatša Esau.

¹⁴Ba Oholibama morwedi wa Ana morwedi wa Tsibeone, mogatša Esau šeba; Ke Jeusi, le Jaelama, ba a ba belegetšego Esau.

¹⁵Ba e bego e le dikgošana go barwa ba Esau šeba: Ke barwa ba Elifase morwa wa Esau wa leitšibulo: Ke Themane wa kgošana, le Omara wa kgošana, le Tsefo wa kgošana, le Kenase wa kgošana,

¹⁶le Kora wa kgošana, le Gaethama wa kgošana, le Amaleke wa kgošana. Ke bona bana ba Elifase ba dikgošana tša nageng ya Edomo; ke bona bana ba Ada.

¹⁷Barwa ba Reguele morwa wa Esau ke Nahathe wa kgošana, le Sera wa kgošana, le Misa wa kgošana. Ke bona bana ba Reguele ba dikgošana tša nageng ya Edomo; ke bona bana ba Basimatha mogatša Esau, mme ke bona ba dikgošana, ke bona Baedomo.

¹⁸Barwa ba Oholibama mogatša-Esau, ke Jeusi wa kgošana, le Jaelama wa kgošana, le Kora wa kgošana. Ke bona bana ba Oholibama morwedi wa Ana mogatša Esau, ba e bego e le dikgošana.

¹⁹Ke bona barwa ba Esau; ke bona ba dikgošana; ke bona Ba-Edomo.

²⁰Barwa ba Seire Mohori ba ba bego ba agile nageng yeo šeba: Ke Lotane, le Sobala, le Tsibeone, le Ana,

²¹le Disone, le Esere, le Disane. Ke bona ba dikgošana tša Bahori bana ba Seire nageng ya Edomo.

²²Barwa ba Lotane ke Hori le Hemama; kgaetšedi ya Lotane ke Thimina.

²³Barwa ba Sobala ke Alifane, le Manahathe, le Ebala, le Sefo, le Onama.

²⁴Barwa ba Tsibeone ke Aya le Ana. Ana ke yena e a hweditšego meetse a sebelabela lešokeng ge a diša dipokolo tša Tsibeone tatagwe.

²⁵Bana ba Ana šeba: Ke Disone; le Oholibama ke morwedi wa Ana.

²⁶Barwa ba Disone ke Hemudane, le Esibana, le Jithirana, le Kerane.

²⁷Barwa ba Esere ke Bilihana, le Tsafane, le Akane.

²⁸Barwa ba Disane ke Utsi, le Arani.

²⁹Dikgošana tša Bahori ke Lotane wa kgošana, le Sobala wa kgošana, le Tsibeone wa kgošana, le Ana wa kgošana,

³⁰le Disone wa kgošana, le Esere wa kgošana, le Disane wa kgošana. Ke bona ba dikgošana tša Bahori, ge go balwa ba e bego e le dikgošana mo go bona mo nageng ya Seire.

³¹Sedi dikgoši tše di bušitšego nageng ya Edomo mehleng yela ge Baisiraele ba sešo ba bušwa ke kgoši.

³²Ke Bela morwa wa Beoro; o bušitše la Edomo, mme leina la motse wa gagwe ke Dinihaba.

³³Bela a hwa, bogoši bja gagwe bja tšewa ke Jobaba morwa wa Sera wa Botsara.

³⁴Jobaba a hwa, bogoši bja gagwe bja tšewa ke Husama wa naga ya Bathemane.

³⁵Husama a hwa, bogoši bja gagwe bja tšewa ke Hadada morwa wa Bedada, e a kilego a fenya Bamidiane mabaleng a Moaba; leina la motse wa gagwe ke Afithi.

³⁶Hadada a hwa, bogoši bja gagwe bja tšewa ke Samula wa Masereka.

³⁷Samula a hwa, bogoši bja gagwe bja tšewa ke Saulo wa Rehobothe wa kua nokeng.

³⁸Saulo a hwa, bogoši bja gagwe bja tšewa ke Baalihanana morwa wa Akiboro.

³⁹Baalihanana morwa wa Akiboro a hwa, bogoši bja gagwe bja tšewa ke Hadara. Leina la motse wa gagwe e be e le Pagu; leina la mohumagadi wa gagwe e be e le Mehetabele morwedi wa Matirede motlogolo wa Sahaba.

⁴⁰Šea maina a dikgošana tša Baesau, ge go iwa ka meloko ya tšona, le ka metse ya tšona, le ka maina a tšona: Ke Thimina wa kgošana, le Alifa wa kgošana, le Jethetha wa kgošana,

⁴¹le Oholibama, wa kgošana, le Ela wa kgošana, le Pinoni wa kgošana,

⁴²le Kenase wa kgošana, le Themana wa kgošana, le Mibisara wa kgošana, le Irama wa kgošana. Ke tšona dikgošana tša leloko la Edomo le madulo a tšona mo nageng ye ba e tšerego. Ke yena Esau tatago Baedomo.