Psalms 130

¹Morena, ke go bitša ke le fasefase sekoting!

²Mong wa ka, kwaa lentšu la ka; tsebe ya gago a e nkwele ruri ge ke goeletša.

³Ge wena Morena o latiša molato, gona go ka ema mang?

⁴Gobane tebalelo e go wena, gore o tle o boifše.

⁵Ke letetše Morena. Moya wa ka o letile. Ke holofetše lentšu la gago.

⁶Moya wa ka o letetše yena Mong wa ka, o fetiša ba tišo ya meso ge ba lebeletše meso.

⁷Isiraele a a holofele Morena, gobane go Morena go ne kgaugelo, go yena go na le phološokgolo.

⁸Mme yena o phološa Isiraele dibeng tša gagwe tšohle.