Psalms 143

¹Morena, kwaa thapelo ya ka; theetša ge ke go llela; o nkwe, ka gore o mmotegi le moloki kahlolong.

²Mme o se tlele go ntshekiša, nna molata wago, gobane mo go ba phelago ga go na e a kago hwetšwa a lokile pele ga gago.

³Tlaa, gobane lenaba le ntlhomere, le gatakela bophelo bjaka fase, le nkiša maswiswing wa ba hwilego moka.

⁴Ke tšona tše di lapišago moya wa ka ka go nna; fa teng ga ka pelo ya ka e tšhogile.

⁵Ke eleletša tša mehla ya kgale; ke elelwa tšohle o kilego wa di dira; ke gopola mediro ya diatla tša gago,

⁶Ka emiša diatla tša ka ke lebile wena; pelo ya ka e go lebeletše bjalo ka naga ge e omile.

⁷Morena, a ke o se diege go nkwa! Moya wa ka o fedile maatla. A ke o se nkgerule, ke se tlo swana le bafologelamoleteng.

⁸A ke o nkweše botho bja gago e sa le bosasa; gobane ke botile wena. Nthute tsela ye nkago e swara, gobane moya wa ka o lelaletše wena.

⁹Morena, nnamolele manabeng; a nke ke khute ka wena.

¹⁰Nthute go dira se se go kgahlago, gobane o Modimo wa ka; ke sepedišwe mo tseleng e lokilego ke Moya wa gago o botse.

¹¹Morena, mphediše ka lebaka la leina la gago; o ntšhe moya wa ka tlalelong ka ge o le molokakahlolong.

¹²O fediše manaba a ka ka ge o le yo botho; mme bohle ba ba hlakišago moya wa ka o ba senye, ka gobane ke molata wago.