Psalms 145

¹Ke tlo go godiša, wena Modimo wa ka, wena o lego Kgoši. Ke tlo reta leina la gago ka mehla le neng le neng.

²Ka mehla ke tlo go reta, ka goloka leina la gago ka mehla le neng le neng.

³Morena ke yena yo mogolo, Moretwa wa paala, yo mogolo a se nago mokayena.

⁴Meloko le melokoloko e tlo tsebanya ditiro tša gagwe, e tlo botšana tša maatla a gagwe.

⁵Ba tlo bolela borena, letago la bokwala bjago mme nna ke tlo opela koša ya matete ago.

⁶A ba bolele tša maatla a gago a a šiišago, mme nna ke anegele batho bogolo bja gago.

⁷A ba kwatše ditaba tša bogolo bja botho bja gago, ba hlalalele go loka ga gago.

⁸Morena ke yo mabobo le kgaugelo, wa go se fele pelo, wa botho bjo bogolo.

⁹Morena ke mosetšabohle, kgaugelo ya gagwe e ukametše tšohle tše a di dirilego.

¹⁰Morena, dibopša tša gago di a go leboga, o retwa ke bagaugelwa ba gago;

¹¹Ba bolela tša letago la bogoši bjago, ba kwatša tša maatla a gago.

¹²Gore bana ba batho ba botšwe tša maatla a gago, le tša letago la mmušo wa gago.

¹³Mmušo wa gago ke mmušo wa mehla yohle le ya neng le neng; bogoši bja gago bo tlo ba gona le mehleng ya ditlogolo le ditlogolwana go ya go ile.

¹⁴Morena o thekga bohle ba ba wago, o tsoša bohle ba go bokalela.

¹⁵Mahlo a diphedi tšohle a lebeletše wena; mme ke wena o di fago dijo lebakeng la gona.

¹⁶O khupurolla seatla sa gago, mme ka moka tše di phelago o di horiša lethabo.

¹⁷Morena mo tseleng tša gagwe tšohle o a loka, ke yo botho mo tirong tša gagwe tšohle.

¹⁸Morena o kgauswi le bohle ba mmitšago, le bohle ba e rego ge ba mmitša ba rereša.

¹⁹O tlo dira tše di tlogo kgahla ba ba mmoifago; o kwa dillo tša bona, mme o a ba phološa.

²⁰Bohle ba ba mo ratago o ba hlokometše; ba babe bona o tlo ba fediša.

²¹Molomo wa ka a o bolele theto ya Morena, nama yohle a e rete leina le lekgethwa lagwe ka mehla le mehleng ya neng le neng.