Psalms 147

¹Haleluya, gobane go bina koša ya Modima rena ke gabotse; go mo reta go monate, gomme go swanetše.

²Morena o aga motse wa Jerusalema, o kgobela bafaladi ba Isiraele.

³O fodiša ba dipelo tše robegilego, o tlemelela ntho tša bona.

⁴O beile palo ya dinaledi, ka moka ga tšona o di bitša ka maina.

⁵Mong wa rena ke e mogolo, ke yo maatla a mantši, ke yo bohlale bjo bo sa elwego.

⁶Morena mohlekabahlaki; ba babe o ba wetša fase.

⁷Opelelang Morena ka go mo leboga, le binele Modima wa rena ka diletšo.

⁸Moširalerata ka maru, Mmeela lefase dipula, Mmediša bjang dithabeng.

⁹Dikgomo o di fa dijo tša tšona, le mafoto a magukubu ge a mo llela.

¹⁰O nyatša maatla a dipitsi, manotlo a monna ga se ona a mo thabišago.

¹¹Morena, ba ba mo kgahlago ke ba ba mmoifago le ba mmotilego botho.

¹²Hee Jerusalema! Reta Morena! Hee Tsione! Tlotla Modimo wa gago.

¹³Ke yena a tiišago magoro a gago, o atla bana ba gago motseng.

¹⁴O ageletše mellwane ya gago ka molao, o go horiša ka mabele' a nonnego.

¹⁵O roma ditaelo tšagwe tša tla lefaseng; mme lentšu la gagwe le sepeleša ka lebelo.

¹⁶O neša leswela boka leokodi; tšhwane o e gaša bjalo ka molora.

¹⁷O neša sefako bjalo ka disohlo; phefo ya gagwe e fenywa ke mang?

¹⁸A roma ditaelo tša gagwe, o a di tološa; a tsoša ledimo lagwe, meetse a a ela.

¹⁹Mme lentšu la gagwe o le anegetše Bajakobo; Baisiraele o ba anegetše melao ya gagwe le mekgwa ya gagwe.

²⁰Mo go bantle bohle ga a ešo a ba a di dira; mme mekgwa ya gagwe bona ga ba e tsebe. Haleluya!