Psalms 67

¹Modimo a re gaugele a re šegofatše; a re phadimišetše safahlego sa gagwe,

²Gore mo lefaseng go tsebje tsela ya gago; mo go ditšhaba tšohle go tsebje phološo ya gago.

³Ditšhaba di go leboge, wena Modimo! Ditšhaba di tlo go leboga ka moka ga tšona.

⁴O tlo thabelwa, wa hlalalelwa ke merafo gobane o buša ditšhaba ka toko, o hlahla merafo lefaseng.

⁵Ditšhaba di tlo go leboga, wena Modimo! Ditšhaba di tlo go leboga ka moka ga tšona.

⁶Lefase le ntšhitše dikenyo tša lona. Re šegofatšwa ke Modimo, Modimo wa rena.

⁷Re šegofatšwa ke Modimo. Magomo a lefase lohle a tlo boifa yena.