Psalms 95

¹Tlang le gobeleng Morena mogobo, re hlalalele lentswe la go re phološa.

²A re lebaneng le yena ka go mo leboga, re mo goloke ka difela.

³Gobane Morena ke Modimo o mogolo, ke kgoši e kgolo, Mmuši wa medimo yohle.

⁴Yo bonami bja lefase bo lego seatleng sa gagwe, le maphagamo a dithaba a lego a gagwe.

⁵Lewatle le lona ke la gagwe, gobane o le dirile; le dinaga di dirilwe ke seatla sa gagwe.

⁶Tlang re rapele, re iname, re khuname pele ga Morena e a re dirilego.

⁷Modimo wa rena ke yena; mme rena re setšhaba sa phulo ya gagwe, re mohlape wa seatla sa gagwe. E ka be lehono le ekwa lentšu la gagwe!

⁸Se reteleng dipelo boka mola Meriba, boka mohla wola wa kua Masa lešokeng,

⁹Mo botataweno ba kilego ba nteka, ba etšiša, le ge ba bone ditiro tša ka.

¹⁰Ka fetša masome a mane a nywaga ke kgotlelela ba moloko woo, ka re: Ke setšhaba sa dipelo di felago di timela; mme ditsela tša ka ga ba di lemoge.

¹¹Ka ba ka ena ke befetšwe ka re: Ba ka se ke ba ba ba tsena makhutšong a ka.