Psalms 13

¹(Eka Hosi ya tinsimu, Pisalema ya Davhida.) Xana u ta ndzi rivala ku fikela rini Yehovha? nkarhi hinkwawo? Xana u ta ndzi tumbeta xikandza xa wena ku fikela rini?

²Xana ndzi ta ehleketa ku fikela rini emoyeni wa mina, masiku hinkwawo, hi gome ra mbilu ya mina? Xana nala wa mina u ta titlakusa ku fikela rini?

³Vona, u ndzi yingise, Yehovha, Xikwembu xanga; voningela mahlo ya mina, leswaku ndzi nga etleli vurhongo bya rifu;

⁴Nala wa mina a nga vuli leswaku: Ndzi n’wi hlurile; naswona lava ndzi xanisaka va tsaka loko ndzi rhurha.

⁵Kambe ndzi tshemba tintswalo ta wena; mbilu ya mina yi ta tsaka hi ku ponisiwa ka wena.

⁶Ndzi rhandza ku yimbelela Yehovha, hikuva u ndzi endle lonene.