1 Chronicles 7

¹Issaskar se vier seuns was Tola, Puwwa, Jasub en Simron.

²Die seuns van Tola was Ussi, Refaja, Jeriël, Jagmai, Jibsam en Samuel. Volgens die stamboom was hulle familiehoofde van Tola, en hulle was strydbare manne. In Dawid se tyd was die getal van die geslag twee en twintig duisend ses honderd.

³Die seun van Ussi was Seragja en die seuns van Seragja was Migael, Obadja, Joël en Jissija. Hulle vyf was almal hoofde.

⁴Daar was naas hulle ook nog volgens hulle familiestamboom leërafdelings van ses en dertig duisend altesaam. Hulle het baie vrouens en kinders gehad.

⁵Hulle stamgenote in al die Issaskargeslagte was sewe en tagtig duisend strydbare manne, almal in die register opgeneem.

⁶Benjamin het drie seuns gehad: Bela, Beker en Jediael.

⁷Die vyf seuns van Bela was Esbon, Ussi, Ussiël, Jerimot en Iri. Hulle was die familiehoofde en strydbare manne. In die register is van hulle twee en twintig duisend vier en dertig opgeneem.

⁸Die seuns van Beker: Semira, Joas, Eliëser, Eljoënai, Omri, Jeremot, Abia, Anatot en Alemet. Hulle was almal seuns van Beker.

⁹In die register tel hulle volgens hulle stamboom, hulle familiehoofde, strydbare manne, twintig duisend twee honderd.

¹⁰Die geslag van Jediael was Bilhan en sy seuns Jeüs, Benjamin, Ehud, Kenaäna, Setan, Tarsis en Agisagar.

¹¹Hulle was almal seuns van Jediael. Hulle geslag was ingedeel volgens familiehoofde, en die strydbare manne, altesaam sewentien duisend twee honderd wat vir militêre diens opgeroep kon word.

¹²Hier hoort ook nog die Suppeërs en die Guppeërs, nakomelinge van Ir, en die Gusseërs, nakomelinge van Ager.

¹³Naftali se seuns was Jagseël, Guni, Jeser en Sillem. Hulle was nakomelinge van Bilha.

¹⁴Nou volg die geslag van Manasse. Sy vrou het Asriël in die wêreld gebring. Sy Aramese byvrou was die moeder van Makir, vader van Gilead.

¹⁵Makir het getrou met 'n vrou uit die Guppeërs en die Suppeërs, en sy suster se naam was Maäka. Die tweede seun se naam was Selofgad, maar hy het net dogters gehad.

¹⁶Makir se vrou Maäka was die moeder van 'n seun met die naam Peres, en sy broer se naam was Seres, en sy seuns was Ulam en Rekem.

¹⁷Die seun van Ulam was Bedan. Dit was dan die seuns van Gilead seun van Makir, seun van Manasse.

¹⁸Gilead se suster Moleket was die moeder van Ishod, Abiëser en Magla.

¹⁹Daar was ook seuns van Semida. Hulle was Agjan, Sekem, Likgi en Aniam.

²⁰Die seun van Efraim was Sutelag, dié se seun Bered, dié se seun Tagat, sý seun Elada, sý seun Tagat,

²¹sý seun Sabad en sý seun Sutelag. Daar was ook nog Eser en Elad, maar hulle is deur die mense van Gat wat van geboorte af in die Efraimitiese gebied was, doodgemaak. Dit het gebeur toe hulle die mense van Gat se vee gaan steel het.

²²Eser en Elad se vader Efraim het lank oor hulle getreur, maar sy broers het hom kom troos.

²³Toe hy daarna met sy vrou gemeenskap gehad het, het sy swanger geword en 'n seun gekry. Hy het hom Beria genoem, omdat dit gebeur het toe daar 'n swaar tyd in sy huis was.

²⁴Sy dogter was Seëra. Sy het Bet-Goron-Onder en Bet-Goron-Bo gebou, en ook Ussen-Seëra.

²⁵Beria se seuns was Refag en Resef. Resef se seun was Telag, en sý seun Tagan.

²⁶Sý seun was Ladan, sý seun Ammihud, sý seun Elisama,

²⁷sý seun Nun en sý seun Josua.

²⁸Die gebied wat hulle besit en bewoon het, was Bet-El met die dorpies rondom hom, na die ooste toe Naära, na die weste toe Geser met die dorpies rondom hom, en verder Sigem met die dorpies rondom hom tot by Aja met sy dorpies.

²⁹In besit van Manasse was Bet-San, Taänak, Megiddo en Dor, elkeen met sy dorpies. In dié plekke het die nageslag van Josef seun van Israel gewoon.

³⁰Die seuns van Aser was Jimna, Jiswa, Jiswi en Beria. Hulle suster was Serag.

³¹Beria se seuns was Geber en Malkiël, wat die vader van Birsajit was.

³²Geber was die vader van Jaflet, Semer en Gotam, en van hulle suster Sua.

³³Die seuns van Jaflet was Pasak, Bimhal en Aswat; hulle was Jaflet se seuns.

³⁴Die seuns van Semer was Agi, Roga, Gubba en Aram.

³⁵Die seuns van sy broer Gotam was Sofag, Jimna, Seles en Amal.

³⁶Die seuns van Sofag was Suag, Garnefer, Sual, Beri, Jimra,

³⁷Beser, Hod, Samma, Silsa, Jitran en Beëra.

³⁸Die seuns van Jitran was Jefunne, Pispa en Ara.

³⁹Die seuns van Ulla was Arag, Ganniël en Risja.

⁴⁰Hulle was almal afstammelinge van Aser, familiehoofde, uitgelese strydbare manne, vorstelike leiers. Hulle is in die register opgeneem vir aktiewe oorlogsdiens. Hulle was ses en twintig duisend man.