1 Chronicles 6

¹Die seuns van Levi was Gerson, Kehat en Merari.

²Die seuns van Kehat was Amram, Jishar, Hebron en Ussiël.

³Die kinders van Amram was Aäron, Moses en Mirjam. Die seuns van Aäron was Nadab, Abihu, Eleasar en Itamar.

⁴Die geslag van Eleasar loop dan oor Pinehas, Abisua,

⁵Bukki, Ussi,

⁶Seragja, Merajot,

⁷Amarja, Agitub,

⁸Sadok, Agimaäs,

⁹Asarja en Joganan

¹⁰tot by Asarja wat priester was in die tempel wat Salomo in Jerusalem gebou het.

¹¹Van Asarja af loop die geslag oor Amarja, Agitub,

¹²Sadok, Sallum,

¹³Gilkija, Asarja

¹⁴en Seraja tot by Josadak.

¹⁵Josadak is saam toe die Here Juda en Jerusalem deur Nebukadnesar laat wegvoer het.

¹⁶Die seuns van Levi was Gerson, Kehat en Merari.

¹⁷Hier volg die name van die seuns van Gerson: Libni en Simi.

¹⁸Die seuns van Kehat was Amram, Jishar, Hebron en Ussiël.

¹⁹Die seuns van Merari was Magli en Musi. Die Levigeslagte volgens families is soos volg:

²⁰onder Gerson val Libni, Jagat, Simma,

²¹Joag, Iddo, Serag en Jeatrai.

²²Die Kehatgroep is Amminadab, Korag, Assir,

²³Elkana, Abiasaf, Assir,

²⁴Tagat, Uriël, Ussia en Saul.

²⁵Die Elkanagroep is Amasai, Agimot,

²⁶Elkana, Suf, Nagat,

²⁷Eliab, Jerogam en Elkana.

²⁸Die seuns van Samuel was Joël die oudste, en Abia die tweede.

²⁹Die Merarigroep is Magli, Libni, Simi, Ussa,

³⁰Sima, Gaggija en Asaja.

³¹Dawid het die volgende manne aangestel om die sang waar te neem in die huis van die Here sodra die ark sy rusplek daar sou vind.

³²Hulle het ook gesorg vir die sang voor die heiligdom, die tent van ontmoeting, totdat Salomo die huis van die Here in Jerusalem gebou het. Hulle het hulle dienste verrig volgens 'n vaste reëling.

³³Die volgende manne het die diens verrig saam met hulle seuns: van die Kehatgroep was daar Heman die tempelsanger, seun van Joël seun van Samuel,

³⁴wie se geslag teruggaan oor Elkana, Jerogam, Eliël, Togu,

³⁵Suf, Elkana, Magat, Amasai,

³⁶Elkana, Joël, Asarja, Sefanja,

³⁷Tagat, Assir, Abiasaf, Korag,

³⁸Jishar en Kehat tot by Levi seun van Israel.

³⁹Heman se ampsgenoot Asaf het regs van hom gestaan. Asaf se geslag het teruggegaan tot by Levi oor Berekja, Sima,

⁴⁰Migael, Maäseja, Malkija,

⁴¹Etni, Serag, Adaja,

⁴²Etan, Simma, Simi,

⁴³Jagat en Gerson.

⁴⁴Hulle ampsgenote aan die linkerkant was die Merarigroep onder leiding van Etan, wie se geslag teruggaan oor Kusaja, Abdi, Malluk,

⁴⁵Gasabja, Amasia, Gilkija,

⁴⁶Amsi, Bani, Semer,

⁴⁷Magli en Musi tot by Merari seun van Levi.

⁴⁸Die tempelsangers se Levitiese ampsgenote is aangestel vir al die dienste van die heiligdom, die tempel van God.

⁴⁹Aäron en sy seuns alleen het egter die offerdiens waargeneem by die brandofferaltaar en die wierookaltaar, die diens by die besondere gewyde offers. So het hulle versoening vir Israel gedoen in ooreenstemming met alles wat Moses, die dienaar van God, beveel het.

⁵⁰Die geslag van Aäron was soos volg: Eleasar, Pinehas, Abisua,

⁵¹Bukki, Ussi, Seragja,

⁵²Merajot, Amarja, Agitub,

⁵³Sadok en Agimaäs.

⁵⁴Verder volg nou ook hulle woonplekke volgens hulle tentdorpe in hulle gebied. Omdat die lot hulle aangewys het, is vir die seuns van Aäron, die Kehatgeslag,

⁵⁵Hebron in Juda gegee met sy weivelde in sy omgewing.

⁵⁶Die lande van die stad met sy dorpies is egter aan Kaleb seun van Jefunne gegee.

⁵⁷Aan die Aärongeslag het hulle behalwe die asielstad Hebron ook nog gegee: Libna met sy weivelde, Jattir, Estemoa met sy weivelde,

⁵⁸Golon met sy weivelde, Debir met sy weivelde,

⁵⁹Asan met sy weivelde en Bet-Semes met sy weivelde,

⁶⁰en in die Benjamingebied ook nog Geba, Alemet en Anatot, elkeen met sy weivelde. Hulle het altesaam dertien stede vir hulle geslagte gehad.

⁶¹Aan die oorblywende Kehatgeslagte het hulle met die lot tien stede in die gebied van die halwe Manassestam toegewys.

⁶²Aan die Gersongeslagte het hulle in die stamgebiede van Issaskar, Aser en Naftali en in die stamgebied van Manasse in Basan dertien stede toegewys.

⁶³Aan die Merarigeslagte het hulle met die lot twaalf stede toegewys in die stamgebiede van Ruben, Gad en Sebulon.

⁶⁴Die Israeliete het vir die Leviete die stede saam met hulle weivelde gegee.

⁶⁵Hulle het die stede wat opgenoem is, met die lot toegewys in die stamgebied van die Judeërs, die stamgebied van die Simeoniete en die stamgebied van die Benjaminiete.

⁶⁶Wat die Kehatgeslagte betref, die stede waaroor hulle beskikking gehad het, was in die stamgebied van Efraim.

⁶⁷Aan hulle is die asielstad Sigem in die Efraimsberge gegee saam met sy weivelde, sowel as Geser,

⁶⁸Jokmeam, Bet-Goron,

⁶⁹Ajalon en Gat-Rimmon, elkeen met sy weivelde.

⁷⁰In die stamgebied van die halwe Manassestam is Aner met sy weivelde en Jibleam met sy weivelde aan die geslag van die oorblywende Kehatiete gegee.

⁷¹Die Gersoniete het in die stamgebied van die halwe Manassestam Golan in Basan met sy weivelde gekry sowel as Astarot met sy weivelde;

⁷²in die stamgebied van Issaskar: Kedes, Daberat,

⁷³Ramot en En-Gannim;

⁷⁴in die stamgebied van Aser: Misal, Abdon,

⁷⁵Gukok en Regob;

⁷⁶in die stamgebied van Naftali: Kedes in Galilea, Gammon en Kirjatajim, elkeen met sy weivelde.

⁷⁷Die oorblywende Merariërs het in die stamgebied van Sebulon gekry: Rimmon met sy weivelde en Tabor met syne;

⁷⁸teenoor Jerigo, oos van die Jordaan, in die stamgebied van Ruben: Beser in die droëveld, Jahas,

⁷⁹Kedemot en Mefaät, elkeen met sy weivelde;

⁸⁰in die stamgebied van Gad: Ramot in Gilead, Maganajim,

⁸¹Gesbon en Jaser, elkeen met sy weivelde.