Numbers 26

¹Ná die ramp het die Here vir Moses en vir Eleasar seun van die priester Aäron gesê:

²“Neem 'n sensus op van die hele volk Israel, van elke Israeliet van twintig jaar en ouer wat vir militêre diens geskik is. Julle moet dit familiegewys doen.”

³Moses en die priester Eleasar het toe in die Moabsvlakte regoor Jerigo aan die Jordaan die opname gemaak

⁴van almal van twintig jaar en ouer soos die Here vir Moses beveel het. Hier volg die opgawe van die Israelitiese families wat uit Egipte gekom het:

⁵Ruben, oudste seun van Israel: die Rubenfamilies was dié van Ganok,

⁶Gesron en Karmi.

⁷Die Rubenfamilies was altesaam 43 730 man.

⁸Pallu se seun was Eliab,

⁹en sy seuns was Nemuel, Datan en Abiram. Dit was dié Datan en Abiram wat as leiers deur die vergadering verkies was, maar teen Moses en Aäron in opstand gekom het toe die bende van Korag teen die Here in opstand gekom het.

¹⁰Die grond het oopgeskeur en hulle ingesluk saam met Korag wie se bende omgekom het toe die vuur twee honderd en vyftig man verteer het. Dit was 'n waarskuwing vir Israel.

¹¹Die seuns van Korag het egter nie gesterf nie.

¹²Die Simeonfamilies was dié van Jemuel, Jamin, Jakin,

¹³Serag en Saul.

¹⁴Die Simeonfamilies was altesaam 22 200 man.

¹⁵Die Gadfamilies was dié van Sifjon, Gaggi, Suni,

¹⁶Osni, Eri,

¹⁷Arod en Areli.

¹⁸Die Gadfamilies was altesaam 40 500 man.

¹⁹Er en Onan was seuns van Juda, maar hulle is vroeër al in Kanaän oorlede.

²⁰Die Judafamilies was dié van Sela, Peres en Serag.

²¹Die Peresfamilies was dié van Gesron en Gamul.

²²Die Judafamilies was altesaam 76 500 man.

²³Die Issaskarfamilies was dié van Tola, Puwwa,

²⁴Jasub en Simron.

²⁵Die Issaskarfamilies was altesaam 64 300 man.

²⁶Die Sebulonfamilies was dié van Sered, Elon en Jagleël.

²⁷Die Sebulonfamilies was altesaam 60 500 man.

²⁸Die Joseffamilies was dié van Manasse en Efraim.

²⁹Makir, voorvader van Gilead, was uit die Manassefamilie.

³⁰Die Gileadfamilie was dié van Iëser, Gelek,

³¹Asriël, Sekem,

³²Semida, Gefer

³³en Selofgad. Selofgad seun van Gefer het nie seuns gehad nie, net dogters. Sy dogters was Magla, Noa, Gogla, Milka en Tirsa.

³⁴Die Manassefamilies was altesaam 52 700 man.

³⁵Die Efraimfamilies was dié van Sutelag, Beker en Tagan.

³⁶Eran was uit die Sutelagfamilie.

³⁷Die Efraimfamilies was altesaam 32 500 man. Dit was al die Joseffamilies.

³⁸Die Benjaminfamilies was dié van Bela, Asbel, Agiram,

³⁹Sefufam en Gufam.

⁴⁰Die Belafamilies was dié van Ard en Naäman.

⁴¹Die Benjaminfamilies was altesaam 45 600 man.

⁴²Die Danfamilie was dié van Sugam en sy nageslag. Dit was die enigste Danfamilie.

⁴³Die Sugamfamilie was altesaam 64 400 man.

⁴⁴Die Aserfamilies was dié van Jimna, Jiswi en Beria.

⁴⁵Die Beriafamilies was dié van Geber en Malkiël.

⁴⁶Aser het ook 'n dogter gehad, Serag.

⁴⁷Die Aserfamilies was altesaam 53 400 man.

⁴⁸Die Naftalifamilies was dié van Jagseël, Guni,

⁴⁹Jeser en Sillem.

⁵⁰Die Naftalifamilies was altesaam 45 400 man.

⁵¹Die Israeliete was altesaam 601 730 man.

⁵²Daarna het die Here vir Moses gesê:

⁵³“Verdeel nou die land tussen die families en gee aan elkeen 'n eiendom volgens sy grootte:

⁵⁴aan 'n groot familie 'n groot eiendom en aan 'n klein familie 'n kleiner eiendom. Elkeen moet sy eiendom ontvang ooreenkomstig sy getal.

⁵⁵Die land moet verdeel word deur te loot. Elke stam moet 'n eiendom ontvang.

⁵⁶Bepaal vir elkeen sy eiendom deur loting tussen die groter en die kleiner stamme.”

⁵⁷Die Levifamilies wat getel is, was dié van Gerson, Kehat en Merari

⁵⁸en ook dié van Libni, Hebron, Magli, Musi en Korag. Kehat was die voorvader van Amram,

⁵⁹en Amram se vrou was Jogebed, ook uit die nageslag van Levi. Sy is in Egipte gebore en haar en Amram se kinders was Aäron en Moses en hulle suster Mirjam.

⁶⁰Aäron was die vader van Nadab, Abihu, Eleasar en Itamar.

⁶¹Nadab en Abihu is dood toe hulle ongeoorloofde vuur na die altaar toe gebring het.

⁶²Die Leviete van 'n maand en ouer was altesaam 23 000 man. Hulle is nie saam met die ander Israeliete getel nie, want hulle het nie self eiendom onder die Israeliete gekry nie.

⁶³Al hierdie mense is getel deur Moses en die priester Eleasar in die Moabsvlakte regoor Jerigo aan die Jordaan.

⁶⁴Onder hulle was daar egter niemand van die Israeliete wat deur Moses en die priester Aäron in die Sinaiwoestyn getel is nie.

⁶⁵Die Here het destyds vir daardie Israeliete gesê dat hulle beslis in die woestyn sou sterf. Nie een van húlle het toe oorgebly nie, behalwe Kaleb seun van Jefunne, en Josua seun van Nun.