Sotho 1951 Bible - 19 verses
1Morena ke mo rata ka gobane o kwele lentšu la ka ge ke mo llela.
2Ge ke sa fela ke phela, ke tlo mmitša ka mehla, ka gobane o ntshekegela tsebe.
3Ke be ke tantšwe ke tlemo tša lehu; ke be ke wetšwe ke ditlalelo tša bodulabahu; ke be ke fihlile mehlakong le mahlokong,
4ka goelela leina la Morena, ka re: Hle Morena, phološa moya wa ka!
5Morena ke Mogaugedi, ke Moloki; mme Modimo wa rena ke yo tlhomogelo.
6Morena ke mohleki wa mohlokamaano. Nna o mphološitše ke šetše ke hloboga.
7Wena moya wa ka, boela bokhutšong bja gago, gobane Morena o go seditše.
8O namoletše moya wa ka diatleng tša lehu; o tlošitše mahlo a ka megokgong; o efošitše dinao tša ka boreledi.
9Ke tlo sepela ke lebeletšwe ke Morena, ke le mo nageng ya ba phelago.
10Ke be ke holofela ka bolela ka re: Ke nna ke hlokogago kudu!
11Ke gakanegile ka ba ka re: Batho ka moka ke ba maaka.
12Bjale ke re, Morena ke tlo mo leboga kang tše di botse tšohle tše a ntiretšego tšona?
13Ke tlo ipega ka selebogatopololo, ka bitša leina la Morena.
14Keno tšaka tše ke di enetšego Morena, ke tlo di phetha ke bonwa ke setšhaba sa gagwe ka moka.
15Lehu la bagaugelwa ba gagwe ke selo se segolo mahlong a gagwe.
16Go bjalo, Morena! O ntlemolotše ditlemo tša ka, ka gobane ke molata wago, ke ngwana wa mme molata waago.
17Ke tlo go tlišetša sedimo sa tebogo, ka bitša leina la gago, Morena.
18Keno tša ka tše ke di enetšego yena Morena, ke tlo di phetha ke bonwa ke setšhaba sa gagwe ka moka,
19ke le malapeng a Ngwako wa Morena, ke le mo gare ga gago, wena motse wa Jerusalema. Haleluya!