Sotho 1951 Bible - 12 verses
1Modimo, o re lahlile wa re tšitlanya o befetšwe, boela go rena.
2O šišintše naga wa e fatokanya; e fodiše menga, e a tekateka.
3Setšhaba sa gago o se swariša mabothata; o re noša sebela mme ra hlahlarega.
4Mme bao ba go boifago o ba fa sefoka, ba se tsema ba lebane le mara.
5Re kwe, o re lwele ka seatla sa gago, gore baratwa ba gago ba fenye.
6Nna ke hlalalela se Modimo a se boletšego Sekgethweng sa gagwe a re: Ke tlo aba la Sikeme; ke tlo ela la moedi wa Sukothe;
7La Gileada ke la ka; la Manase ke la ka; la Efuraimi ke kuane ya ka ya go phema hlogo; la Juda ke molamo wa ka wa bogoši;
8La Moaba ke sehlapelo sa ka; la Edomo ke la go lahlela seeta sa ka; la Bafilisita le tlo nkgobela mogobo.
9Ke mang a tlogo nkiša motseng o tiilego? Ke mang a tlogo ntlhahla ka ya Edomo?
10A ga se wena Modimo, o re hlahlilego? A ga se wena Modimo o sa kago wa tšwa dira le rena?
11Phalala o re hlabanele manabeng; gobane go lwelwa ke batho ke ga lefela.
12Ka Modimo re tlo kgona ntweng; ke yena a tlogo gatakela manaba a rena.