Psalms 76

¹Modimo o tsebja ga Juda; leina la gagwe ga Isiraele ke le legolo.

²Ngwako wa gagwe o Salema; bodulo bja gagwe bo Tsione.

³A le moo o thokga tladi ya bora, le kotse, le tšhoša, le tlhabano.

⁴O a boifiša, wena Raletago, ge o tšwa dithabeng tša dithebola.

⁵Ba hlakotšwe, ba dioka tša bogale, ba ile le boroko; banna ba dinatla bohle ba hlokile maatla a matsogo.

⁶Kgalemo ya gago, wena Modimo wa Jakobo, e ba wetša boroko bjo bogolo, le makoloi, le dipitsi.

⁷Motšhabegi ruri ke wena; mme go ka ema mang ge o galefa!

⁸O kwatša kahlolo o le legodimong mme lefase le a tšhoga la homola.

⁹Ke ge wena Modimo o tsoga go ahlola, go phološa bahlaki bohle ba lefase.

¹⁰Batho ge ba hutlega, e ba go retiša wena; e a tlogo šala mahutla a ile, ke wena o itlhamile.

¹¹Enelang Morena Modimo wa lena; mme le phethe tše le mo enetšego tšona. Lena ba mathoko ohle, mo ntšhetšeng dibego, yena motšhabegi,

¹²yena mopaladikgang tša bakgoma, motšhabegi go dikgoši tša lefase.