Psalms 127

¹Risimu Ra Tinsimu. Loko Yehovha a nga aki yindlu, lava yi akaka va tirha swa hava; loko Yehovha a nga rindzi muti, murindzi u pfuka swa hava.

²I swa hava leswi mi pfukaka nimixo swinene, mi etlela nivusiku, mi dya xinkwa xa ku xaniseka; hikuva U etlela murhandziwa wa yena hi ndlela yoleyo.

³Waswivo, vana i ndzhaka ya Yehovha, mihandzu ya khwiri ra mana wa vona i hakelo ya yena.

⁴Ku fana ni miseve evokweni ra nhenha; swi tano ni hi vana lavatsongo.

⁵Wa tsaka munhu loyi xihuku xakwe xi teleke hi swona; a va nge khomiwi hi tingana, kambe va ta vulavula ni valala va vona enyangweni.