Psalms 128

¹(Risimu) Ku katekile hinkwavo lava chavaka Yehovha; lava fambaka etindleleni ta yena.

²Hikuva u ta dya ntirho wa mavoko ya wena; u ta tsaka, u ta hanyisiwa.

³Nsati wa wena u ta va emakumu ka yindlu ya wena ku fana ni murhi wa vhinya lowu vekaka mihandzu yo tala, vana va wena va ta rhendzela tafula ra wena ku fana ni murhi wa mitlhwari.

⁴Vona, munhu la chavaka Yehovha u ta katekisiwa hi ndlela yoleyo.

⁵Yehovha u ta ku katekisa eSiyoni, u ta vona vunene bya Yerusalema masiku hinkwawo ya vutomi bya wena.

⁶Ina, u ta vona vana va vana va wena, ku rhula a ku ve ehenhla ka Israyele.