Job 25

¹Foo ga fetola Biletate wa Mošuhe, a re:

²“Puso le poitsho di na le one; o dira kagiso mo mafelong a one a a godimo.

³A go na le palo ya dintwa tsa one? Lesedi la one ga le tlhabele mang?

⁴Mme e le foo motho a ka nna tshiamo jang fa pele ga Modimo? Yo o tsetsweng ke mosadi o ka itsheka jang?

⁵Bona, le e leng kgwedi ga e na phatsimo, le dinaledi ga di a itsheka mo ponong ya one!

⁶Bogolo jang motho yo e leng seboko, le morwa motho yo e leng seboko fela!”