Psalms 110

¹Jehofa o raya morena wa me a re: “Dula ka fa letsogong la me le legolo go tsamaye ke dire baba ba gago sebeo sa gago sa dinao.”

²Jehofa o tlaa otlolola lore lwa thata ya gago go tswa Sione; wena o buse mo gare ga baba ba gago.

³Batho ba gago ba italetsa ka pelo e e thamileng mo letsatsing la thata ya gago; o re o le mo mekgabong ya boitshepo, o a bo o na le monyo, wa bokau jwa gago o tswa sebopelong sa moso.

⁴Jehofa o ikanne, mme ga a ketla a ikwatlhaya, a re: “O moperesiti ka bosakhutleng ka fa mokgweng wa ga Melekiseteke.”

⁵Morena, a le ka fa letsogong la gago le legolo, o tlaa phololetsa dikgosi mo letsatsing la kgalefo ya gagwe.

⁶O tlaa atlhola mo merafeng, o tlaa tlatsa mafelo ka ditoto tsa baswi; o tlaa phololetsa yo e leng tlhogo mo mafatsheng a le mantsi.

⁷O tlaa nwa mo nokaneng e e mo tseleng; mme ka mo a itse go tsholetsa tlhogo.