Psalms 113

¹Bakang Jehofa. Bakang lona batlhanka ba ga Jehofa, bakang leina la gagwe.

²A go bakwe leina la ga Jehofa, go tloga fano gompieno go ya bosakhutleng.

³Go tswa botlhabatsatsi, go ya bophirimong jwa lone, leina la ga Jehofa le na le go bakwa fela.

⁴Jehofa o godimodimo, godimo ga merafe yotlhe, kgalalelo ya gagwe godimo ga magodimo.

⁵E mang yo o tshwanang le Jehofa Modimo wa rona, yo setulo sa gagwe se kwa godimong?

⁶Yo o ikokobetsang gore a bone dilo tse di kwa legodimong le mo lefatsheng.

⁷O kakatlolola mohumanegi mo loroleng, a tsholetse motlhoki a mo tlose mo thotobolong;

⁸gore a tle a mmeye mo dikgosaneng, e bong mo dikgosaneng tsa batho ba gagwe.

⁹O dira gore mosadi yo o moopa a nne le motse, le go nna mma bana yo o itumelang. Bakang Jehofa.