Psalms 67

¹A Modimo o nne boutlwelobotlhoko mo go rona, o re segofatse, o re phatsimisetse sefatlhogo sa one; Sela,

²gore tsela ya gago e itsiwe mo lefatsheng, le phodiso ya gago e e bolokang mo merafeng yotlhe.

³A ditšhaba di go bake Modimo, a ditšhaba tsotlhe di go bake.

⁴A merafe e ke e ipele, e opele ka boitumelo, ka gobo o tlaa atlhola ditšhaba ka tekatekanyo, o ba o busa merafe mo lefatsheng. Sela.

⁵A ditšhaba di go bake, Modimo; a ditšhaba tsotlhe di go bake.

⁶Lefatshe le ntshitse totafalo ya lone; Modimo, e bong Modimo wa rona tota, o tlaa re segofatsa.

⁷Modimo o tlaa re segofatsa; mme dikhutlo tsotlhe tsa lefatshe di tlaa o boifa.