Psalms 95

¹A ko lo tleng re opeleleng Jehofa; a re tsheleleng lefika la poloko ya rona lešoa la boitumelo.

²A re ke re tleng fa pele ga sefatlhogo sa gagwe ka tebogo; a re mo tsheleleng lešoa la boitumelo ka dipesalema.

³Gonne Jehofa ke Modimo o Mogolo, le Kgosi e kgolo godimo ga medimo yotlhe.

⁴Mo seatleng sa gagwe go mafelo a a boteng a lefatshe; ditlhora tsa dithaba, le tsone, ke tsa gagwe.

⁵Lewatle ke la gagwe, o le dirile; diatla tsa gagwe di bopile lefatshe la komelelo.

⁶A ko lo tleng, re obame, re iname; a re khubameng fa pele ga Jehofa mmopi wa rona:

⁷gonne ke ene Modimo wa rona, mme rona re batho ba bofulo jwa one, le dinku tsa seatla sa one. A bo gompieno lo ka ka lwa utlwa lentswe la one!

⁸Se thatafatseng pelo tsa lona, jaaka kwa Meriba, jaaka mo tsatsing la Masa kwa nageng,

⁹jale ka borraeno ba nteka, ba ntlhotlhomisa, mme ba bona tiro ya me.

¹⁰Ka hutsafadiwa ke losika loo ka lobaka lwa dinyaga di le masome mane, ka ba ka re: “A bo e le batho ba ba timelang mo pelong ya bone, mme ga ba a ka ba itse ditsela tsa me.”

¹¹Mme ke gone ka mo ka ikana mo kgalefong ya me, ka re: “Ga ba ketla ba tsena mo boikhutsong jwa me.”