Psalms 98

¹A ko lo opeleleng Jehofa sefela se seša; gonne o dirile dilo tse di gakgamatsang; seatla sa gagwe se segolo se mo diretse poloka le lone letsogo la gagwe le le boitshepo.

²Jehofa o itsisitse batho poloka ya gagwe; tshiamo ya gagwe o e bonaditse ka tshenolo mo matlhong a merafe.

³O gakologetswe boutlwelobotlhoko jwa gagwe, le boikanngo jwa gagwe ka ga ntlo ya Iseraele; dikhutlo tsotlhe tsa lefatshe di bonye poloka ya Modimo wa rona.

⁴Tshelela Jehofa lešoa la boitumelo, wena lefatshe lotlhe; ponyegang lo opele ka boitumelo; ee, opelang dipako.

⁵Opelelang Jehofa dipako ka harepe; ka harepe le ka lentswe la kopelo.

⁶Ka dinaka le ka modumo wa diphala, lo tsheleng lešoa la boitumelo fa pele ga Kgosi Jehofa.

⁷A lewatle le sume, le bojotlhe jwa lone; lefatshe le ba ba agileng mo go lone;

⁸a merwalela e opaope diatla tsa yone; a dithabana di opele mmogo ka boitumelo;

⁹fa pele ga Jehofa gonne o tla go atlhola lefatshe; o tlaa atlhola lobopo ka tshiamo le ditšhaba ka tekatekanyo.